Tómas Howser útskrifaðist árið 2022 af leikarabraut Guildford School of Acting í Englandi. Hann lék þar í leikritunum Caucasian Chalk Circle eftir Bertolt Brecht og The Welkin eftir Lucy Kirkwood. Hann leikstýrði og skrifaði handritið að sýningunni This is not a Play about hating my dad sem var lokaverkefnið hans í skólanum.
Tómas lék í sínu fyrsta leikriti í London í sýningunni Love (to) Bits sem var frumsýnd í júní 2022 í Baron‘s Court Theatre við góðar undirtektir. Tómas hefur leikið í ýmsum erlendum verkefnum eftir útskrift þar á meðal stuttmyndum, tónlistarmyndböndum og auglýsingum. Hann ferðaðist um England með leikritið Fantastic Fred í lok árs 2022.

Tómas lék stórt hlutverk í íslensku kvikmyndinni Þrot sem kom út sumarið 2022, myndin var tilnefnd til Eddunnar fyrir besta handrit og bestu leikstjórn.

Tómas var einnig einn af spurningahöfundum sjónvarpsþáttanna Kviss sem nutu mikilla vinsælda á Stöð 2. Einnig skrifaði hann spurningar fyrir spurningaspilin PöbbKviss og KrakkaKviss.

Hægt er að smella á Vefsíðutengilinn neðar á síðunni til að sjá Showreel og fleiri Headshot af Tómasi.