Rakel Björk Björnsdóttir hefur komið fram víða síðustu ár á sviði leiklistar og tónlistar. Hún er söngkona og tónskáld í hljómsveitinni ÞAU sem hefur haldið fjölda tónleika um land allt og gefið út tvær plötur. Hún er jafnframt söngkona og textasmiður í Raddbandinu og meðlimur í rokkbandinu different Turns þar sem hún syngur á plötunni “too asleep to hear the massive wind blow.”
Auk þess á Rakel að baki yfir 250 sýningar í Borgarleikhúsinu í sýningum á borð við Matthildi, 9 líf, Leikskólasýningu ársins, Sex í sveit og Room 4.1, en Rakel fylgdi Kristján Ingimarsson Company á CPH STAGE í Danmörku vorið 2023 til að sýna Room 4.1.

Rakel er útskrifuð leikkona frá Listaháskóla Íslands og lærði meðan annars söng við Complete Vocal Institute í Kaupmannahöfn og tónfræði hjá Guðna Franz. Síðasta vetur fór Rakel með hlutverk Fjólu Svif í söngleiknum Hark í Tjarnarbíó og Mæju jarðarbers í Ávaxtakörfunni.

Í febrúar 2025 frumsýndi Rakel glænýjan barnasöngleik, Hver vill vera prinsessa? með Raddbandinu. Þar er Rakel einn af höfundum verksins, hljóðmyndahönnuður og tónskáld; höfundur tónlistar ásamt Stefáni Erni Gunnlaugssyni.

Rakel er rödd Isabel Madrigal í Encanto, rödd Jólaþorpsins í Hafnarfirði og syngur Smellum saman með Króla svo eitthvað sé nefnt. Rakel hefur einnig leikið í kvikmynda- og sjónvarps
verkefnum, sem dæmi Þrestir, Falskur fugl, Vitjanir, Áramótaskaupið 2018 - 2022.

Framundan eru áframhaldandi sýningar á Hver vill vera prinsessa? í Tjarnarbíó og á Barnamenningarhátíð. Jafnframt er Rakel á leiðinni aftur út til Kaupmannahafnar að vinna með The Nordic Beasts, undir stjórn Nooru Hannula. Þar mun Rakel semja tónlist fyrir dansleikhúsverkið THE HOST og fara með dans-, leik- og sönghlutverk. Verkið verður sýnt í Dansehallerne í Vesterbro.

----------------------------------------------------------------------------------
(English)

Rakel Björk Björnsdóttir is an Icelandic artist working across acting, music, performance, writing, and vocal coaching. She is the owner of ÞAU Company and a member of the close-harmony trio Raddbandið, the rock band different Turns and the alternative/indie rock band ÞAU.

CURRENT PROJECTS
Rakel is currently performing in the Musical Who Wants to Be a Princess? at Tjarnarbíó Theatre, produced by Raddbandið, where she also contributed as a playwright and composer. In October she will perform in The Host with the Nordic Beasts at Dansehallerne in Copenhagen. In November, Raddbandið will premiere it's new holiday production Christmas at the boiling point in the National Theatre of Iceland.

RECENT WORK
Rakel appeared in Room 4.1, a production by Kristján Ingimarsson Company, performed at the Reykjavík City Theatre and at CPH STAGE in 2023. Rakel is also known for her role as Ms. Honey in Matilda the Musical, her portrayal of Bubbi Morthens in the the Award winning Musical 9 Lives, and performances in Don't dress for dinner, the Rock Musical Hark and the family musical The Fruit Basket.
In addition to her stage work, Rakel has experience in film and voice-over acting. Her screen credits include e.g. Ferox, Sparrows, Vitjanir and The New Year's Show. Notably, she is the Icelandic voice of Isabela Madrigal in Disney’s Encanto.