Eggert Kaaber útskrifaðist frá Leiklistarskóla Íslands/ LHÍ árið 1990. Frá útskrift hefur hann leikið og starfað hjá Leikfélagi Akureyrar, Þjóðleikhúsinu, Íslensku Óperunni og ýmsum sjálfstæðum atvinnuleikhúsum og leikhópum. Hann er einn af stofnendum Stoppleikhópsins sem er barna og unglingaleikhús
stofnað 1995. Hann hlaut Grímuverðlaunin með Stoppleikhópnum árið 2009 fyrir leiksýninguna: "Bólu-Hjálmar" . Ásamt þessu hefur Eggert lesið inn á hljóðbækur, talsett teknimyndir, leikið í útvarpsleikritum, sjónvarpsþáttum, kvikmyndum og auglýsingum. Síðastliðin ár hefur hann leikið í sjónvarpsþáttunum: "Ráðherrann", "Eurogarðurinn" og "True Detective", kvikmyndinni: "Fanga" og ýmsum stuttmyndum.
Auk þess er Eggert menntaður leiklistarkennari frá LHÍ og hefur hann hlotið ýmsar viðurkenningar og verðlaun fyrir kennslu og leikstjórn.