Ellen Margrét Bæhrenz er fædd árið 1993. Hún útskrifaðist með BA gráðu af leikarabraut Listaháskóla Íslands vorið 2021. 

Ellen leikur Míu í Venjulegt Fólk á Sjónvarpi Símans og fer að auki með hlutverk í Til hamingju með að vera mannleg í Þjóðleikhúsinu. Áður en Ellen hóf nám starfaði hún sem dansari við Íslenska dansflokkinn árin 2012 til 2016 og tók þátt í fjölmörgum uppsetningum á vegum atvinnuleikhúsanna á borð við Mamma Mia og Mary Poppins í Borgarleikhúsinu. 

Ásamt sviðslistinni hefur Ellen töluverða reynslu af störfum fyrir framan myndavélina sem dansari og leikkona í auglýsingum, stuttmyndum, tónlistarmyndböndum og Söngvakeppni Sjónvarpsins.