Ari Ísfeld útskrifaðist árið 2019 af leikarabraut í Royal Central School of Speech and Drama í London en þar lagði hann áherslu á samsköpun- og spunasýningar. Hann hefur unnið með þekktum leikhópum á borð við Complicite og Filter Theatre við gerð sýninga. Einnig lærði hann trúðleik undir John Wright. Eftir útskrift lék hann í nokkrum leiksýningum í London áður en hann hélt heim á leið.

Ari hefur talsett ógrynni af efni bæði á Íslandi og í London en það má t.d. heyra í honum sem Múmínsnáði á RÚV og tölvuleikjum á borð við Assassins Creed og Final Fantasy. Haustið 2020 skrifaði hann og leikstýrði barnasýningunni Lalli og töframaðurinn í Tjarnarbíó. Árið 2022 skapaði Ari ásamt leikhópnum Toxic Kings sýninguna How To Make Love To A Man sem sýnd var í Umbúðalaust rými Borgarleikhússins. Verkefnið hlaut Grímuna fyrir Sprota Ársins