Um félagið

Hvað er FÍL?
Félag íslenskra leikara er stéttar – og fagfélag leikara, dansara, söngvara og leikmynda-og búningahöfunda á Íslandi og telur rúmlega 450 félaga.

FÍL er aðili að ýmsum samtökum listamanna s.s. Bandalagi íslenskra listamanna, Leiklistarsambandinu sem er íslenskt aðildarfélag ITI, Norræna leikararáðinu, FIA (Alþjóðleg leikarasamtök) BHM o.f.l.

Í stjórn félagsins sitja 5 einstaklingar, Birna Hafstein, formaður, Hilmar Guðjónsson, varaformaður, Jóhanna Vigdís Arnardóttir, gjaldkeri, Snorri Freyr Hilmarsson, ritari og Þóra Karitas Árnadóttir, meðstjórnandi Varamenn eru; Hallgrímur Ólafsson, Halldóra Geirharðsdóttir og Ólafur Darri Ólafsson.

FÍL er skipt upp í 8 deildir sem hver hefur sína stjórn
1. deild Leikarar í Þjóðleikhúsinu
2. deild Leikarar hjá L.R.
3. deild Leikarar hjá L.A.
4. deild Lausráðnir leikarar
5. deild Leikmynda-og búningahöfundar
6. deild Óperusöngvarar
7. deild Listdansarar
8. deild Listnemar
Formenn deildanna ásamt stjórn FÍL skipa trúnaðarmannaráð sem fjallar um kjarasamninga og fleiri hagsmunamál félagsins.

Skrifstofa FÍL
Daglegur rekstur félagsins er í höndum formanns og framkvæmdastjóra
Skrifstofan er opin alla virka daga frá kl. 09.00 – 15.00.  Á skrifstofunni færð þú upplýsingar um samninga, kaup og kjör, aðstoð við innheimtu o.fl.

Markmið og starfsemi FÍL
Markmið FÍL er að vinna að bættum kjörum fyrir félagsmenn og sjá um að hagsmunum þeirra sé sem best borgið. FÍL gerir kjarasamninga við hin ýmsu félög og stofnanir s.s. Leikfélag Reykjavíkur, Leikfélag Akureyrar, Íslensku Óperuna, RÚV – Hljóðvarp og sjónvarp og Kvikmyndaframleiðendur. FÍL kemur einnig að samningagerð leikara við Þjóðleikhúsið. Í tilfellum þar sem enginn kjarasamningur er til, þá hefur FÍL útbúið lágmarksgjaldskrá sem félagsmenn eru hvattir til að fara eftir þar til samningar nást.

Kynning á félagsmönnum FÍL
Á heimasíðu FÍL www.fil.is er félagatal og er þar að finna upplýsingar um félagsmenn. Einnig stendur FÍL ásamt Þjóðleikhúsinu, Leikfélagi Reykjavíkur, MAk (Menningarfélag Akureyrar, áður LA ) og Sjálfstæðu leikhúsunum að opinni áheyrnarprufu en þangað er boðið leikstjórum, kvikmyndaframleiðendum, fólki frá auglýsingastofum o.f.l. til að kynnast og sjá nýtt fólk í félaginu.

Að verða félagi, félagsgjöld og aðild að BHM
Fyrst er að sækja um á eyðublöðum sem fást á skrifstofu, mynd og afrit af námsferli og verkefnaskrá þarf að fylgja.  Athugið að þó viðkomandi greiði félagsgjöld vegna vinnu hjá atvinnuleikhúsum þarf samt að sækja um aðild.  Óheimilt er að taka fólk inn í félagið nema það sækist eftir því sjálft og gjaldið sem er dregið af viðkomandi er þóknun til félagins fyrir að nýta samninga sem gerðir hafa verið fyrir félagsmenn.
Ef umsækjandi hlýtur náð fyrir augum inntökunefndar þá greiðir hann inntökugjald kr. 7.500.- Félagsgjald er greitt mánaðarlega skv. flokki A – B eða C. Þegar inntökugjald hefur verið greitt og samið um greiðslu mánaðargjalds, öðlast viðkomandi full félagsréttindi og fær í hendur félagatal og lög FÍL ásamt félagsskírteini sem veitir honum rétt á frímiðum / aflsáttarmiðum á sýningar hjá Þjóðleikhúsinu, Leikfélagi Reykjavíkur, Íslenska dansflokknum, Leikfélagi Akureyrar og Íslensku Óperunni, auk hina ýmsu sýninga hjá Sjálfstæðu leikhúsunum sem auglýsa tilboð sín sérstaklega.

Félagsgjöld í FÍL

Bandalag háskólamanna – Heildarsamtök háskólamenntaðra á vinnumarkaði

Bandalag háskólamanna var stofnað 23. október 1958. BHM er bandalag hagsmunatengdra félaga og/eða stéttarfélaga sem starfa að fag- og vinnumarkaðslegum málefnum félagsmanna sinna. Aðildarfélög BHM eru 27 með rúmlega 12.000 félagsmenn innan sinna raða.

Meðal verkefna BHM er að:

  • Styðja við starf aðildarfélaga.
  • Efla þekkingu félagsmanna á kjara- og réttindamálum.
  • Semja um sameiginleg hagsmuna- og réttindamál skv. umboði.
  • Gæta hagsmuna félagsmanna gagnvart stjórnvöldum.
  • Hafa frumkvæði að umræðu um háskólamenntun og stöðu háskólamenntaðra á vinnumarkaði.

Gjöld til BHM ( Stéttarfélagsnúmer FÍL er 954 )

Upplýsingar um greiðslur launagreiðenda til BHM

Þarftu frekari upplýsingar?
Skrifstofa FÍL er í félagheimili leikara að:
Lindargötu 6, 101 Reykjavík
Sími: 552-6040

Birna: birna@fil.is / GSM 699-3201
Hrafnhildur: fil@fil.is /  GSM 863-7260

Instagram feed