Rakel hefur komið fram víða síðustu ár á sviði leiklistar og tónlistar. Hún er meðlimur í hljómsveitinni ÞAU sem hefur haldið fjölda tónleika um allt land, auk þess sem hún á að baki meira en 250 sýningar í Borgarleikhúsinu í sýningum á borð við Matthildi, 9 líf, Sex í sveit og Room 4.1. Rakel er útskrifuð leikkona frá Listaháskóla Íslands og lærði meðal annars söng við Complete Vocal Institute í Kaupmannahöfn. Hún er rödd Isabelu Madrigal í Encanto, syngur Smellum saman með Króla, er rödd Jólaþorpsins í Hafnarfirði, fer með hlutverk Mæju jarðarbers og tekur við hlutverki Fjólu í söngleiknum Hark í apríl 2024.

Rakel hefur að undanförnu unnið í samstarfi við Kristján Ingimarsson Company í Danmörku í sýningunni Room 4.1 sem var hluti af CPH STAGE sumarið 2023.

Rakel er jafnframt meðlimur í hljómsveitinni different Turns og söngtríóinu Raddbandið sem vinnur nú að gerð nýs barnasöngleiks.