Mánudaginn 19. desember var veittur styrkur úr Leiklistarsjóði Þorsteins Ö. Stephensen.  Markmið sjóðsins sem er í vörslu RÚV er að styrkja og efla íslenska leiklist í RÚV, hljóðvarpi og sjónvarpi.
Að þessu sinni ákvað sjóðsstjórn að velja styrkþegann án umsókna og eftir vandlega íhugun var ákveðið að styrkja Jóhann Ævar Grímsson til að skrifa handrit að sjónvarsþáttum.
Í sjórn sjóðsins eru; Hallmar Sigurðarson, Randver Þorláksson og Rúnar Gunnasson

Reykjavík Dance Festival auglýsir eftir framkvæmdastjóra
Reykjavík Dance Festival leitar eftir drífandi og metnaðarfullum einstakling sem hefur áhuga á dansi og sviðslist og reynslu af verkefnastjórn í hlutastarf.

Æskilegt er að umsækjandi geti hafið störf í febrúar 2012.
Áhugasamir vinsamlegast sendi umsókn á reykjavik_dancefestival@hotmail.com
 

HVAÐ: Sjóðheit leiklestrarröð á nýjum og nýlegum breskum verkum á ensku og íslensku.
HVAR: Tjarnarbíó.
HVENÆR:  23. OG 28. Nóvember. 5., 12.,13., 14. og  15. desember.
KLUKKAN :  Húsið opnar kl. 20.00 - lestur hefst kl. 20.30.
HVAÐ KOSTAR: 1500 KR. Hvert gigg, innifalið í verði er leiklestur og ölkrús. Einnig hægt að kaupa pakka: 4 kvöld og 4 krúsir á kr. 4500.

Sjóðheit kvöld þar sem íslenskir leikarar munu leiklesa spennandi og ný  bresk verk sem ekki hafa verið sett upp hér á landi áður.  Sum verk verða flutt á íslensku, önnur á ensku.

Vilt þú vera Gestalistamaður Reykjavík Dance Festival og Dansverkstæðisins 2012

Reykjavík Dance Festival og Dansverkstæðið auglýsa eftir Gestalistamönnum fyrir árið 2012.
Auglýst er eftir hugmyndum að verkum sem frumsýnd verða á RDF 2012.  Tveir danshöfundar/hópar verða fyrir valinu og munu þeir sinna hlutverki Gestalistamanna RDF og DV 2012.  RDF og DV munu styrkja Gestalistamennina með styrk og öðrum stuðningi á meðan á sköpunarferlinu stendur.  Styrkurinn verður m.a. í formi æfingaaðstöðu, stuðnings í listræna ferlinu, aðstoð við umsóknir og við sköpun tengslanets  við útlönd. 

Laugardaginn 12. nóvember næstkomandi verður Opinn dagur í Listaháskóla Íslands,  í húsnæði skólans við Laugarnesveg 91 kl. 11 – 16.  Áhugasömum er boðið að koma í skólann og kynnast starfsemi hans.  Þennan dag verða nemendur og kennarar til viðtals og upplýsingagjafar og til sýnis verða inntökumöppur og kynningar á inntökuferli, verkstæðum og aðstöðu skólans.